ਕਿਸਾਨਾਂ ਨੇ ਜੈਤੋ ਵਿੱਚ ਮੋਦੀ ਸਰਕਾਰ ਦੀ ਅਰਥੀ ਸਾੜੀ
- 151128798 - TIRTH SINGH
0
20 ਸਤੰਬਰ ( ਵਿਜੇ ਮਿਹਰਾ/ਸੋਨੂੰ ) ਅੱਜ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਸਿੱਧੂ ਪੁਰੀ ਦੀ ਮੀਟਿੰਗ ਬਲਾਕ ਪ੍ਰਧਾਨ ਛਿੰਦਰਪਾਲ ਸਿੰਘ ਜੀ ਦੀ ਪ੍ਰਧਾਨਗੀ ਹੇਠ ਗੁਰਦੁਆਰਾ ਗੰਗਸਰ ਸਾਹਿਬ ਜੈਤੋ ਵਿਖੇ ਹੋਈ। ਅਤੇ ਜੋ ਕੇਂਦਰ ਸਰਕਾਰ ਨੇ ਕਿਸਾਨਾਂ ਵਿਰੁੱਧ ਆਰਡੀਨੈਂਸ ਪਾਸ ਕੀਤੇ ਹਨ ਉਨ੍ਹਾਂ ਆਰਡੀਨੈਂਸ ਦੀ ਪੁਰਜ਼ੋਰ ਸ਼ਬਦਾਂ ਵਿਚ ਨਿਖੇਧੀ ਕੀਤੀ। ਇਹ ਆਰਡੀਨੈਂਸ ਪਾਸ ਹੋਣ ਕਾਰਨ ਕਿਸਾਨ ਬਰਬਾਦ ਹੋ ਜਾਣਗੇ । ਕਿਉਂਕਿ ਕਿਸਾਨ ਤਾਂ ਪਹਿਲਾਂ ਹੀ ਖ਼ੁਦਕੁਸ਼ੀਆਂ ਦੇ ਰਾਹ ਤੇ ਪਿਆ ਹੋਇਆ ਹੈ। ਅਤੇ ਬਿੱਲ ਪਾਸ ਹੋਣ ਨਾਲ ਕਿਸਾਨਾਂ ਦੀ ਫਸਲ ਕੌਡੀਆਂ ਦੇ ਭਾਅ ਅਮੀਰ ਘਰਾਣਿਆਂ ਨੇ ਖਰੀਦ ਲੈਣੀ ਹੈ ਅਤੇ ਜ਼ਮੀਨਾਂ ਦੀਆਂ ਜੋ ਹੱਦਾ ਹਨ ।ਉਹ ਖਤਮ ਕਰ ਦੇਣਗੇ। ਕਿਉਂਕਿ ਵੱਡੇ-ਵੱਡੇ ਫਾਰਮ ਬਣਾ ਲੈਂਦੇ ਹਨ। ਅੱਜ ਸਾਰੇ ਪਿੰਡਾਂ ਵਿਚ ਅਤੇ ਸ਼ਹਿਰ ਜੈਤੋ ਵਿੱਚ ਵੀ ਮੋਦੀ ਸਰਕਾਰ ਦੀ ਅਰਥੀ ਸਾੜੀ ਜਾਵੇਗੀ ਅਤੇ ਸਾਰੇ ਕਿਸਾਨਾਂ ਅਤੇ ਮਜ਼ਦੂਰਾਂ ਅਤੇ ਆੜ੍ਹਤੀਆਂ ਨੂੰ ਪੁਰਜ਼ੋਰ ਅਪੀਲ ਕੀਤੀ ਕੇ 25-09-2020.ਮੁਕੰਮਲ ਪੰਜਾਬ ਬੰਦ ਕੀਤਾ ਜਾਵੇਗਾ । ਤਾਂ ਜੋ ਮਜਬੂਰ ਹੋ ਕੇ ਮੋਦੀ ਸਰਕਾਰ ਨੇ ਜੋ ਆਰਡੀਨੈਂਸ ਲਾਗੂ ਕੀਤੇ ਹਨ ਉਹਨਾਂ ਨੂੰ ਵਾਪਸ ਕਰਵਾਇਆ ਜਾਵੇ।ਇਸ ਸਮੇਂ ਜੋ ਕਿਸਾਨ ਹਾਜ਼ਰ ਸਨ, ਜ਼ਿਲ੍ਹਾ ਮੀਤ ਪ੍ਰਧਾਨ ਨਛੱਤਰ ਸਿੰਘ ਜੈਤੋ ਅਤੇ ਪ੍ਰਚਾਰ ਕਮੇਟੀ ਜਲੌਰ ਸਿੰਘ ਜੈਤੋ , ਕ੍ਰਾਂਤੀਕਾਰੀ ਯੂਨੀਅਨ ਦੇ ਜ਼ਿਲ੍ਹਾ ਪ੍ਰਧਾਨ ਨਾਇਬ ਸਿੰਘ ਭਗਤੂਆਣਾ, ਜ਼ਿਲ੍ਹਾ ਸਕੱਤਰ ਕਸ਼ਮੀਰ ਸਿੰਘ ਰੋੜੀਕਪੂਰਾ, ਇਕਾਈ ਪ੍ਰਧਾਨ ਜਗਸੀਰ ਸਿੰਘ ਜੈਤੋ, ਜਗਦੇਵ ਸਿੰਘ,ਕੇਵਲ ਸਿੰਘ,ਗਾਗੀ ਸਿੰਘ,ਸੋਢੀ ਸਿੰਘ, ਨਹਿਰੂ ਸਿੰਘ,ਵੀਰਾਂ ਸਿੰਘ ਜੈਤੋ,ਜਰਨਲ ਸਕੱਤਰ ਬਲਾਕ ਜੈਤੋ, ਬੇਅੰਤ ਸਿੰਘ ਸੂਰਘੁਰੀ, ਦਰਸ਼ਨ ਸਿੰਘ ਬਲਾਕ ਪ੍ਰੈਸ ਸਕੱਤਰ ਜੈਤੋ, ਨਾਇਬ ਸਿੰਘ ਸੂਰਘੁਰੀ,ਬਲੋਰ ਸਿੰਘ ਸੂਰਘੁਰੀ ਸ਼ਾਮਿਲ ਸਨ।